O 24 de setembro celebrarase a primeira reunión do comité ConcienciaLocal, que reunirá persoas procedentes do Concello de Pontevedra, da Universidade de Vigo e da Misión Biolóxica de Galicia.
A sesión persegue dous obxectivos:
- Favorecer o coñecemento mutuo entre as persoas integrantes do comité, dada a diversidade dos seus ámbitos de procedencia.
- Elaborar un primeiro mapa dos temas relacionados coa vivenda que o comité deberá ter en consideración.
A xornada constituirá unha oportunidade para reflexionar de maneira conxunta, desde perspectivas diversas, sobre a vivenda, unha cuestión que afecta ao conxunto da cidadanía.